პასუხი ბექა კობახიძის რეცენზიაზე

Abstract

დასაწყისშივე მინდა აღვნიშნო, რომ გამოსაქვეყნებლად მომზადებული რეცენზია მნიშვნელოვნად განსხვავდება იმ ფეისბუკ სტატუსისაგან, რომელიც 2018 წელს დაწერა ბ. კობახიძემ. მიმაჩნია, რომ მსგავსი ტონი უპირველესად ავტორს აყენებს ჩრდილს და შორს არის მეცნიერული დისპუტისაგან. ამასთანავე, ყოველგვარ სურვილს გიხშობს პა- სუხი გასცე და სიმართლე დაუსაბუთო. ამჯერად კი, რამდენიმე უხეშ გამონათქვამს თუ არ ჩავთვლით, რეცენზია საქმიანია და დაწერილია სამეცნიერო ეთიკის ნორმებით, რაც მისასალმებელია.