ისტორია წარსულის რეკონსტრუქციაა. ისტორიოგრაფიამ კარგა ხნის წინ დათმო პირუთვნელი ობიექტივიზმის ილუზია, რადგან თანამედროვეობის კითხვებზე გარდასულ ეპოქათა პასუხები ამოუწურავია – ისინი დღევანდელობის ცვალებადი მოთხოვნების მიხედვით ვარირებს. ისტორიკოსთა ნახელავი ბაგრატის აღდგენილ ტაძარს ჰგავს, რომლის ავტორები არ და ვერ იქნებოდნენ მიჯაჭვული წარსულის ქარგაზე – თუნდაც, ასეთის ჩვენამდე არასრულად მოღწევის გამო.
